Академик Е.А. Бөкетов атындағы Қарағанды университеті кезекті рет ұлттық рейтингтердегі жетекші позицияларын растады.
Білім беру сапасын қамтамасыз ету жөніндегі тәуелсіз агенттіктің (IQAA) 2022 жылғы Қазақстанның жетекші жоғары оқу орындарының ұлттық рейтингісінің қорытындысы бойынша Бөкетов университеті Қазақстанның жетекші көп бейінді жоғары оқу орындары арасында 3-ші орынды және еліміздің көп бейінді өңірлік жоғары оқу орындары арасында 2-ші орынды иеленді!
Аккредиттеу және рейтинг тәуелсіз агенттігінің (IAAR) нұсқасы бойынша Академик Е.А. Бөкетов атындағы Қарағанды университеті Қазақстанның көп бейінді өңірлік жоғары оқу орындарының арасында 1-ші орынды және "Қазақстан Республикасы жоғары оқу орындарының қажеттілігінің тәуелсіз рейтингі-2022" жалпы рейтингте алғашқы 3 орынды алған ұлттық университеттерден кейінгі 4-ші орынды иеленді.
Рейтингтік зерттеулер білім сапасының еңбек нарығының талаптарына сәйкестік дәрежесін бағалайды, білім беру қызметтерінің сапасы мен бәсекеге қабілеттілігін арттыруға ықпал етеді.
2022 жылғы Ұлттық рейтингтер нәтижелері бойынша Академик Е. А. Бөкетов атындағы Қарағанды университеті өзінің бәсекеге қабілеттілігін және білікті мамандарды даярлаудың барлық деңгейлерінде халықаралық стандарттарға сәйкес сапаны қамтамасыз етуге бейімділігін растады!
KBU ұжымын және студенттерін университетіміздің ұлттық рейтингтердегі жоғары көрсеткіштерімен құттықтаймыз!
Талапкерлерді Академик Е. А. Бөкетов атындағы Қарағанды университетінің дарынды және шығармашылық студенттік қауымдастығының мүшесі болуға шақырамыз!