Бакалавриат

Бұл университеттік білімнің бірінші деңгейі.

Бакалавриатта оқу ұзақтығы әртүрлі болуы мүмкін. Егер талапкер бакалавриатқа орта мектептен кейін түссе, оның оқу мерзімі 4 жылды құрайды.

Колледжді бітірген талапкерлер 3 жыл оқи алады.

Жоғары білімі бар талапкерлер үшін оқу мерзімі бар болғаны 2 жылды құрайды.

Диплом алудың міндетті шарты – кемінде 240 кредитті игеру қажет.

Бакалавриат бағдарламаларының көпшілігі қазақ және орыс тілдерінде оқытылады. Көптілді бағдарламалар да бар. Онда оқыту бірден үш тілде: қазақ, орыс және ағылшын тілдерінде жүргізіледі.

Бакалавриат бағдарламаларын күндізгі немесе аралас форматта қашықтықтан білім беру технологияларын қолдана отырып игеруге болады.

Бірінші жағдайда студент университетке күн сайын барып оқиды, екіншісінде – 20-дан 50%-ға дейін пәндер қашықтықтан оқытылады

Бакалавриаттағы оқу жылы 2 семестрге бөлінеді. Әр семестр 15 аптадан тұрады. Семестр емтихандармен аяқталады. Семестрлер арасында каникулдар белгіленеді: қысқы кезеңде – 3 апта, жазғы кезеңде – 2 ай.

Жеке оқу жоспарына кірмейтін пәндерді қосымша оқығысы келетін студенттер үшін ұзақтығы 6 аптаны құрайтын жазғы семестр көзделген.

Келесі курсқа өту үшін студент жылдық жеке оқу жоспарын толығымен орындап, барлық емтихан пәндері мен практикалары бойынша оң баға алуы керек.

Оқу барысында студент теориялық және практикалық дайындықтан өтеді.

Жетістіктері зор студенттерге академиялық ұтқырлық бағдарламасына қатысуға және семестр бойы қазақстандық немесе шетелдік жоғары оқу орындарында оқуға мүмкіндік беріледі.

Соңғы курста студент бітіру сынақтарынан өтеді. Бағдарламаны сәтті игерген жағдайда бітіруші түлек бакалавр академиялық дәрежесін алады. Ол оған жоғары білімді талап ететін лауазымдарды атқаруға, сондай-ақ магистратураға түсуге құқық береді.

Ағымдағы оқу жылына арналған академиялық күнтізбесін қарау(1 курс)

Ағымдағы оқу жылына арналған академиялық күнтізбесін қарау(жоғарғы курстар)