Covid-19

ДДҰ веб-сайтында табуға болатын, сондай-ақ өз еліңіздің және елді мекеннің қоғамдық денсаулық сақтау органдарынан алуға болады CОVID-19 өршуі туралы жаңа ақпаратты қадағалаңыз. COVID-19 жағдайларының ең көп саны әлі де Қытайда анықталуда, ал басқа елдерде жергілікті сипаттағы өршулер байқалады. Көптеген жағдайларда ауру жеңіл түрде өтіп, адам сауығып кетеді, алайда асқынулар да болады. Келесі ережелерді сақтай отырып, өз денсаулығыңыз бен айналаңыздағылардың денсаулығын қорғауға болады:

Қолыңызды үнемі жуыңыз

Қолыңызды құрамында спирті бар заттармен үнемі өңдеңіз немесе сабынмен жуыңыз.

Бұл не үшін қажет? Егер қолдарыңызда вирус болса, онда қолды спиртті заттармен өңдеу немесе оларды сабынмен жуу оны өлтіреді.

Қоғамдық орындарда арақашықтықты сақтаңыз

Адамдардан кем дегенде 1 метр қашықтықта болыңыз, әсіресе оларда жөтел, тұмау және жоғары температура байқалатын болса.

Бұл не үшін қажет? 2019-nCoV тәрізді респираторлық инфекциясымен ауыратын адам жөтелсе немесе түшкірсе, айналасына вирус бар ұсақ тамшыларды таратады. Егер Сіз бұл адамға тым жақын болсаңыз, онда ауаны жұту кезінде вирусты жұқтыруыңыз әбден мүмкін.

Мүмкіндігінше, көз, мұрын және ауызды қолмен ұстамаңыз

Бұл не үшін қажет? Қол вирус болуы мүмкін көптеген жерлерге тиеді. Инфекция бар қолды көзге, мұрынға немесе ауызға тигізген болсаңыз, вирусты қол терісінен ағзаға жұқтыруыңыз мүмкін.

Респираторлық гигиена ережелерін сақтаңыз

Жөтелгенде және түшкіргенде ауыз бен мұрынды майлықпен немесе шынтақтың бүгілген жерімен жабыңыз; майлықты бірден қақпағы бар қоқыс контейнеріне лақтырып, қолды спиртті антисептикпен өңдеңіз немесе оларды сабынды сумен жуыңыз.

Бұл не үшін қажет? Жөтелгенде және түшкіргенде ауыз бен мұрынды жабу вирустардың және басқа да ауру тудыратын микроағзалардың таралуын болдырмауға мүмкіндік береді. Егер жөтелгенде немесе түшкіргенде мұрын мен ауызды қолмен жапса, микробтар сіздің қолдарыңызға, содан кейін сіздің қолыңыз тиген заттарға немесе адамдарға жұғуы мүмкін.

Дене қызуы көтерілсе, жөтел пайда болып, тыныс алу қиындаған кезде тез арада медициналық көмекке жүгініңіз

Егер Сіз 2019-nCoV тіркелген Қытай аудандарына барған болсаңыз немесе респираторлық аурудың белгілері байқалатын Қытайдан келген біреумен тығыз байланыста болсаңыз, бұл туралы медицина қызметкеріне хабарлаңыз.

Бұл не үшін қажет? Температураның көтерілуі, жөтел және тыныс алудың қиындауы медициналық көмекке дереу жүгінуді талап етеді, өйткені бұл белгілер респираторлық инфекциядан немесе басқа да ауыр дерттен туындауы мүмкін. Дене қызуының көтерілуімен бірге тыныс алу органдарының зақымдану белгілері әртүрлі себептерден туындауы мүмкін, олардың арасында емделушінің жасаған сапарлары мен қарым-қатынастарына байланысты 2019-nCoV болуы мүмкін.

Жаңа ақпаратты қадағалап, медициналық мамандардың ұсыныстарын орындаңыз

COVID-19 туралы жаңа ақпаратты қадағалаңыз. Мамандардың, орталық және жергілікті қоғамдық денсаулық сақтау органдарының, сондай-ақ Сіз жұмыс істейтін ұйымның COVID-19-дан өзін және айналасындағыларды қорғау бойынша ұсыныстарын орындаңыз.

Бұл не үшін қажет? Орталық және жергілікті денсаулық сақтау органдарында Сіздің ауданда COVID-19 ауруының динамикасы туралы ең өзекті ақпарат бар. Олар сіздің аудан тұрғындары үшін жеке қорғау шаралары туралы ең қолайлы ұсыныстар бере алады.

Жақында (соңғы 14 күн ішінде) COVID-19 таралған аудандарға барып келгендер үшін жеке қорғау шаралары

· Жоғарыда ұсынылған ұсыныстарды орындаңыз.

· Егер Сіз өзіңізді нашар сезінсеңіз, мысалы, бас ауруы немесе болмашы тұмау тәрізді аурудың жеңіл белгілері ғана байқалатын болса да, толық сауыққанға дейін үйде қалыңыз. Бұл не үшін қажет? Айналадағылармен қарым-қатынас жасаудан бас тарту және емдеу мекемелеріне бармау арқылы Сіз осы мекемелерге тиімді жұмыс істеуге көмектесесіз және өзіңізді және айналаңыздағыларды COVID-19 немесе басқа да вирусты инфекцияларды жұқтырудан қорғайсыз.

· Егер Сізде дене қызуы, жөтел және тыныс алудың қиындауы байқалса, медициналық көмекке жүгінуді кейінге қалдырмаңыз, себебі бұл симптомдар респираторлық инфекциядан немесе басқа да ауыр дерттен туындауы мүмкін. Алдымен медициналық мекемеге қоңырау шалып, барлық соңғы сапарларыңыз немесе саяхаттап жүрген адамдармен болған байланыстарыңыз туралы хабарлаңыз. Бұл не үшін қажет? Телефон арқылы медициналық көмекке жүгіну мамандарға Сізді қолайлы емдеу мекемесіне жедел жіберуге мүмкіндік береді. Сонымен қатар, бұл COVID-19 және басқа да вирустық инфекциялардың ықтимал таралуын болдырмауға көмектеседі.

ДДҰ-ға сұрақ қойыңыз

Сұрақ: Жаңа коронавирусты ескере отырып, қол алысудан бас тарту керек пе?

Жауап: Иә. Респираторлық ауруларды тудыратын вирустар қол алысу және көзге, мұрынға және ауызға тию кезінде жұғуы мүмкін. Сәлемдесу ретінде қол бұлғаңыз, басыңызды изеңіз немесе тәжім етіңіз.

Сұрақ: Жаңа коронавирус жұқтыру қаупінсіз адамдармен қалай амандасу керек?

Жауап: Физикалық байланысты болдырмайтын сәлемдесу тәсілі COVID 19 алдын алу тұрғысынан ең қауіпсіз. Сіз қол бұлғау, басыңызды изеу немесе тәжім жасау арқылы адамдармен сәлемдесудің қауіпсіз тәсілін көрсетіп отырсыз.

Сұрақ: Жаңа коронавирусты инфекцияның алдын алу шаралары ретінде қоғамдық орындарда резеңке қолғаптарды кию тиімді ме?

Жауап: Жоқ. Сіз резеңке қолғаптарды пайдаланудың орнына қолыңызды жуып отырсаңыз, COVID 19-дан көбірек қорғанасыз. COVID 19 коронавирустық инфекция қоздырғышы резеңке қолғаптарды кірлетуі мүмкін. Осыдан кейін бетіңізді ұстасаңыз, Сіз қолғаптағы вирусты жұқтыру қаупіне ұшырайсыз.

2019-nCOV вирусы: күйзелісті қалай жеңуге болады

COVID-19 өршуі жағдайында балаға күйзелісті жеңуге қалай көмектесу керек

Балалар күйзеліске ұшыраған кезде әртүрлі әрекеттер жасайды: олар өздеріне ересектердің көңіл бөлуін талап етуі мүмкін, мазасыздана бастайды, өзімен өзі томаға-тұйық болып, салқын мінезділік танытады немесе асыра шаттануы мүмкін, төсекке кіші дәрет сындыра бастайды және т.б.

Баланың осындай әрекеттеріне позитивпен қарап, оны не мазалайтынын біліңіз, баланы аялап, мәпелеп күтіңіз.

Қиын сәттерде балаларға әсіресе сүйіспеншілік пен қамқорлық қажет. Сондықтан өз сезімдеріңізді әдеттегіден де көп білдіруге тырысыңыз.

Баланың сөздеріне құлақ салыңыз, мейірімділік танытып, оны жігерлендіріңіз.

Баланың көңілін бөлу үшін оған ойындар мен қызықты іс-шаралар ойлап табуға тырысыңыз.

Мүмкіндігінше балаларды ата-аналары мен басқа отбасы мүшелерінен ажыратпаған жөн. Егер бұл мүмкін болмаса (мысалы, ауруханаға жатқызу жағдайында), баланың отбасымен (мысалы, телефон арқылы) тұрақты қарым-қатынасын қамтамасыз ету және оған қажетті моральдық қолдау көрсету қажет.

Қалыптасқан тәртіпті немесе кестені мұқият ұстануға тырысыңыз, немесе жағдайлардың ауысуын ескере отырып, мектеп немесе басқа оқу, сондай-ақ ойындар мен демалыс үшін уақыт қарастырылған жаңа күн тәртібін енгізіңіз.

Балаға не болғанын және ағымдағы жағдай қандай екенін түсіндіріңіз және оған қол жетімді тілде жұқтырудан қалай сақтану керектігін айтыңыз.

Сонымен қатар, оған оқиғаның ықтимал дамуы туралы айтып беріңіз (мысалы, отбасы мүшелерінің бірі және / немесе баланың өзі өзін нашар сезінуі мүмкін және ол дәрігерлердің көмегімен сауығып кетуі үшін ауруханада біраз уақыт болуы мүмкін).

Коронавирустық инфекцияға дайын болыңыз