Корпоративтік оқиғалар 2022

«Академик Е.А. Бөкетов атындағы Қарағанды университеті» КЕАҚ 2022 жылға арналған

Директорлар кеңесінің 25.11.2022 ж. шешімімен (№9 Хаттама) «Академик Е. А. Бөкетов атындағы Қарағанды университеті» КЕАҚ-ның 2020-2024 жылдарға арналған даму жоспарын жартыжылдық нақтылау (2022 жыл, 2 жартыжылдық нақтылау) бекітілді (сәйкестендіргіш14-990540002444-2020-028).

Директорлар кеңесінің 25.11.2022 ж. шешімімен (№9 Хаттама) «Академик Е.А. Бөкетов атындағы Қарағанды университеті» КЕАҚ 2020-2024 жылдарға арналған даму жоспарының 2021 жылға іске асырылуын бағалау бекітілді. 2021 жылы «Академик Е.А. Бөкетов атындағы Қарағанды университеті» КЕАҚ 2020-2024 жылдарға арналған даму жоспарының іске асырылуын бағалау қанағаттанарлық деген шешім қабылданды.

«Академик Е. А. Бөкетов атындағы Қарағанды университеті» КЕАҚ Қоғамның Директорлар кеңесінің мүшесі Нұрлан Аджимуратұлы Бекбергеновтың өз бастамасы бойынша өкілеттігінің мерзімінен бұрын тоқтатылғаны туралы хабарлайды.

Директорлар кеңесінің 12.10.2022 ж. шешімімен (№8 хаттама) «Академик Е. А. Бөкетов атындағы Қарағанды мемлекеттік университеті» КЕАҚ Басқарма мүшесі, әкімшілік-шаруашылық қызмет жөніндегі проректоры болып Асылбек Серікұлы Молдабаев сайланды.

«Академик Е.А.Бөкетов атындағы Қарағанды университеті» КЕАҚ Қазақстан Республикасы Ғылым және жоғару білім Министрлігі қабылдаған шешім туралы хабарлайды, оның иелігінде және пайдалануында Қоғамның 100% акция пакеті бар:

Қазақстан Республикасы Ғылым және жоғару білім министрінің 23.09.2022 жылғы № 66 Бұйрығымен «Академик Е. А. Бөкетов атындағы Қарағанды университет» КЕАҚ Жарғысына келесі өзгерістер енгізілді:

7-тармақ мынадай редакцияда жазылсын:
«7. Қоғам акцияларының мемлекеттік пакетін 100% иелік ету және пайдалану қүқығын жүзеге асыратын тиісті саланың уәкілетті органы Қазақстан Республикасы Ғылым және жоғары білім министрлігі (бұдан әрі - Жалғыз акционер) болып табылады.
Жалғыз акционер Қазақстан Республикасының заңнамасына сәйкес акционерлердің жалпы жиналысының өз құзыретіне жатқызылған мәселелерді қарайды және шешімдер қабылдайды. Қазақстан Республикасы Қаржы министрлігі Қазақстан Республикасы Қаржы министрлігінің Мемлекеттік мүлік жэне жекешелендіру комитетінің келісімі бойынша қабылданатын шешімдерді қоспағанда, Қазақстан Республикасының заңнамасымен және осы Жарғымен акционерлердің жалпы жиналысының (Жалғыз акционердің) құзыретіне жатқызылған мәселелер бойынша шешімдерді Жалғыз акционер дербес қабылдайды.».

100027, Қарағанды қаласы, Университет көшесі, 28, «Академик Е.А. Бөкетов атындағы Қарағанды университеті» Коммерциялық емес акционерлік қоғамының Директорлар кеңесі Қарағанды қаласы, Университет көшесі, 28 мекенжайы бойынша орналасқан «Академик Е. А. Бөкетов атындағы Қарағанды университеті» Коммерциялық емес акционерлік қоғамының Басқарма мүшесі, әкімшілік-шаруашылық қызмет жөніндегі проректор бос лауазымына конкурс жариялайды.

Қызметтің негізгі мәні университеттің мүліктік кешенін жаңғырту, ғимараттар мен құрылыстарды күрделі және ағымдағы жөндеу, оқу процесін және әлеуметтік-мәдени инфрақұрылымды материалдық-техникалық қамтамасыз ету, қолайлы және қауіпсіз еңбек жағдайларын, білім алушылардың оқу корпусында оқуын және университет жатақханаларында тұруын қамтамасыз ету.

Конкурсқа қатысушыларға қойылатын талаптар: Жоғары және (немесе) жоғары оқу орнынан кейінгі білім, білім беру ұйымдарында және (немесе) тиісті салалардағы уәкілетті органдарда басшылық лауазымдарда кемінде 5 жыл жұмыс өтілінің болуы.

Конкурсқа төмендегі тұлғалар қатыса алмайды:

1) жиырма бес жастан кіші;

2) бұрын сыбайлас жемқорлық құқық бұзушылық жасаған;

3) өтелмеген немесе алынбаған соттылығы бар;

4) медициналық арнайы мекемелерде есепте тұрғандар;

5) Қазақстан Республикасының заңнамасында көзделген өзге де жағдайлар.

Конкурсқа қатысуға үміткер тұлға мынадай құжаттарды ұсынады:

1) белгіленген нысандағы өтініш;

2) конкурсқа қатысушының жеке басын куәландыратын құжаттың көшірмесі;

3) 3х4 үлгідегі түрлі-түсті фотосуреті бар конкурсқа қатысушының қызметтік тізімі;

4)білімі туралы құжаттардың және оларға қосымшалардың көшірмелері және тексеру үшін түпнұсқалары

5) жұмыс орны (қазіргі немесе соңғы) бойынша кадр қызметімен куәландырылған еңбек қызметін растайтын құжаттың көшірмесі;

6) № 075/у нысан бойынша денсаулық жағдайы туралы медициналық анықтама (дәрігерлік кәсіби-консультациялық қорытынды);

7) мемлекеттік көрсетілетін қызметтер туралы заңнамаға сәйкес психоневрологиялық ұйымнан берілгеніне құжаттар ұсынылған күнге дейін бір жыл толмаған анықтама;

8) мемлекеттік көрсетілетін қызметтер туралы заңнамаға сәйкес наркологиялық ұйымнан берілгеніне құжаттар ұсынылған күнге дейін бір жыл толмаған анықтама;

9) қылмыстық заңнамаға сәйкес лауазымға орналасуға тыйым салудың жоқ екенін растайтын құжат.

Конкурсқа қатысу үшін құжаттарды қабылдау хабарландыру жарияланған күннен бастап 10 (он) күнтізбелік күн ішінде жүргізіледі.

Конкурсты өткізу күні мен орны қосымша хабарланады. Жоғарыда көрсетілген құжаттарды белгіленген мерзімде Корпоративтік хатшы қызметіне ұсыну қажет (каб. 221), телефоны: 8 (7212) 31-22-44 (ішкі 1003).

Барлық сұрақтар бойынша Персоналды басқару қызметіне 8 (7212) 35-63-96 (ішкі 1032) номері бойынша хабарласыңыз.

«Академик Е.А.Бөкетов атындағы Қарағанды университеті» КЕАҚ қоғамның мемлекеттік акциялар пакетінің 100% Қазақстан Республикасы Ғылым және жоғары білім министрлігінің иеленуіне және пайдалануына берілгені туралы хабарлайды (09.09.2022 жылғы № 15 Қабылдау-тапсыру актісі).

«Академик Е.А. Бөкетов атындағы Қарағанды университеті» КЕАҚ қоғамның мемлекеттік акциялар пакетін Қазақстан Республикасы Ғылым және жоғары білім министрлігінің басқаруына беру туралы хабарлайды (09.09.2022 жылғы № 15 тапсыру туралы акт).

Директорлар кеңесінің 11.07.2022 ж. шешімімен (№5 Хаттама) «Академик Е.А. Бөкетов атындағы Қарағанды университеті» КЕАҚ-ның 2021 жылғы жылдық есебі бекітілді.

Директорлар кеңесінің 11.07.2022 ж. шешімімен (№5 Хаттама) «Академик Е.А. Бөкетов атындағы Қарағанды университеті» КЕАҚ Директорлар кеңесінің, Басқарманың, Ішкі аудит қызметінің және корпоративтік хатшысының өзін-өзі бағалау нәтижелері бекітілді.

Директорлар кеңесінің 02.06.2022 ж. шешімімен (№4 Хаттама) 2021 жылға «Академик Е.А. Бөкетов атындағы Қарағанды университеті» КЕАҚ даму жоспарының орындалуы туралы есеп бекітілді (идентификатор 14-990540002444-2020-021).

Директорлар кеңесінің 02.06.2022 ж. шешімімен (№4 хаттама) «Академик Е.А. Бөкетов атындағы Қарағанды университеті» КЕАҚ Сыбайлас жемқорлыққа қарсы комплаенс-қызметінің басшысы болып Василий Иванович Олейник тағайындалды.

Академик Е. А. Бөкетов атындағы Қарағанды университеті "КЕАҚ Қазақстан Республикасы Білім және ғылым Министрлігі қабылдаған шешім туралы хабарлайды, оның иелігінде және пайдалануында қоғамның 100% акциялар пакеті бар (жалғыз акционер):

«Академик Е. А. Бөкетов атындағы Қарағанды университеті» коммерциялық емес акционерлік қоғамының 2021 жылғы жылдық қаржылық есептілігін бекіту туралы" Қазақстан Республикасы Білім және ғылым министрінің 25.05.2022 жылғы № 225 бұйрығымен»:
1. «Академик Е.А. Бөкетов атындағы Қарағанды университеті» коммерциялық емес акционерлік қоғамының (бұдан әрі - қоғам) 2021 жылға жылдық қаржылық есептілігі бекітілді.
2. Қоғамның 2021 жылғы 136 159 562,47 теңге мөлшеріндегі таза табысы қоғамның билігінде қалды.
3. 2021 жыл ішінде акционердің Қоғамның және оның лауазымды тұлғаларының іс-әрекеттеріне өтініштері келіп түспегені анықталды.

Директорлар кеңесінің 25.04.2022 ж. шешімімен (№3 Хаттама) 2021 жылдың қорытындысы бойынша «Академик Е.А. Бөкетов атындағы Қарағанды университеті» КЕАҚ 2020-2025 жылдарға арналған стратегиялық даму жоспарын орындау қанағаттанарлық деп танылды.

«Академик Е. А. Бөкетов атындағы Қарағанды университеті» КЕАҚ Қазақстан Республикасы Білім және ғылым министрлігі (Жалғыз акционер) қабылдаған шешім туралы хабарлайды, оның иелігінде және пайдалануында Қоғамның 100% акциялар пакеті бар:
«Аудиторлық ұйымды анықтау туралы» Қазақстан Республикасы Білім және ғылым министрінің 05.03.2022 жылғы № 80 бұйрығымен «ARIP Consulting group» жауапкершілігі шектеулі серіктестігі «Академик Е.А. Бөкетов атындағы Қарағанды университеті» коммерциялық емес акционерлік Қоғамының 2021 жылғы жылдық қаржылық есептілігіне аудитті жүзеге асыратын аудиторлық ұйым болып анықталды.