Даталар мен фактілер

Тарихы:
Университетте аудармашыларды даярлау 2004 жылдан бері жүргізіліп келеді. Шет тілдер факультеті 600-ден астам жоғары білікті аудармашыны дайындады, бүгінде факультет бәсекеге қабілетті аударма кадрларын даярлау бойынша республиканың негізгі базаларының бірі болып табылады.

Студенттер:
«Аударма ісі» бағдарламасына сұраныс айтарлықтай жоғары. Соңғы бес жылда студенттер құрамы екі есеге артты. Бүгінгі таңда бұл бағдарламаға 157 студент қатысады. Олардың арасында Үндістан, Қырғызстан, Пәкістан, Өзбекстаннан келген шетелдік азаматтар бар.

Жұмыспен қамту:
Бағдарлама түлектері еңбек нарығында сұранысқа ие. Олардың бірнеше жылдағы жұмыспен қамтылу деңгейі 85%-ды құрайды. Қазіргі таңда бітіріп шыққан аудармашылар Нұр-Сұлтанда, Алматыда және Қазақстанның басқа да ірі қалаларында, Ресейде, Германияда, Испанияда, Канадада, Польшада, Чехияда, Үндістанда, Қырғызстанда, Пәкістанда, Өзбекстанда жұмыс істейді.

Академиялық ұтқырлық:
Кафедра студенттері академиялық ұтқырлық бағдарламаларына белсенді қатысады және шетелдік серіктес университеттерде оқиды: Шихэцзы университеті (Қытай), Новосибирск мемлекеттік педагогикалық университеті (Ресей), Мәскеу мемлекеттік лингвистикалық университеті (Ресей), Беларусь мемлекеттік университеті (Беларусь), Карлов университеті (Чехия).
Кафедра құрамына оқытылатын тілдер елдерінде тағылымдамадан өткен тәжірибелі оқытушылар, «жоғары оқу орнының үздік оқытушысы» республикалық атағының иегерлері (доцент Шелестова Т.Ю.) кіреді.

Аккредиттеу және көшбасшылық:
«Аударма ісі» бағдарламасы Қазақстанның білім беру сапасын қамтамасыз ету жөніндегі ұлттық агенттігінде аккредиттелген.
Соңғы үш жылда «Аударма ісі» білім беру бағдарламасы сапаны қамтамасыз ету жөніндегі қазақстандық тәуелсіз агенттігінің ұлттық бағдарламалар рейтингісінде көшбасшылар бестігіне кіреді.

Серіктестер:
Кафедра аудармашыларды жұмысқа орналастыруға мүдделі компаниялармен ынтымақтастық жасайды. Олардың арасында мектептер, университеттер, тіл орталықтары, аударма агенттіктері, ArcelorMittalTemirtau, HegelmannTransport сияқты өндірістік кәсіпорындар бар. Кәсіби аудармашылар мен аударма компаниялары қауымдастығы, Қарағанды облысының сауда палатасы – кафедраның тұрақты серіктестері болып табылады.