Білім беру бағдарламалары

6B03106 «Психология»: бакалавриат. Бағдарлама білім беру, денсаулық сақтау, заңтану, бизнес және кәсіпкерлік, әлеуметтік салаларындағы құзыретті және нарықта сұранысқа ие психологиялық қызметтер, психодиагностиканың, психокоррекцияның, психокеңес берудің заманауи әдістерін қолдана отырып, психологиялық міндеттерді тиімді шешуге қабілетті практикалық психологтарды даярлауға бағытталған. Бағдарлама түлектері психология бакалавры дәрежесін алады және білім беру мекемелерінде, түзету орталықтарында практикалық психологтар ретінде жұмыс істей алады.

6B10202 «Клиникалық психология»: бакалавриат. Бағдарлама Қарағанды медицина университетімен бірлесіп әзірленді және медицина және денсаулық сақтау саласымен байланысты. Бағдарлама психикалық құбылыстарды олардың аурулармен байланысы тұрғысынан зерттеуді ұсынады. Бағдарлама аясында патопсихология, нейропсихология, психиатрия, неврология, психодиагностика, психологиялық кеңес беру және басқа да пәндер оқытылады. Бағдарлама түлектері бакалавр дәрежесін алады және медициналық ұйымдарда клиникалық психолог болып жұмыс істей алады.

7M03106601 «Психология»: магистратура. Бағдарлама жоғары білім берудегі ғылыми зерттеулер мен психология саласымен байланысты пәндерді оқытуға бағытталған. Магистранттарға жоғары мектептің психологиясы мен педагогикасын, қазіргі психологияның инновациялық үрдістерін, Қазақстандағы психологиялық ғылымның өзекті мәселелерін, психологиядағы статистиканың заманауи әдістерін, жоғары оқу орындарында психологияны оқыту әдістемесін зерделеу ұсынылады. Түлектер психология магистрі дәрежесін алып, университетте сабақ бере алады, ғылыми-зерттеу жұмыстарымен айналысады, практикалық психолог ретінде жұмыс істей алады.

8D01102 «Білім беру психологиясы»: докторантура. Бағдарламаның мазмұны психологияның әдіснамалық және теориялық негіздерін терең зерделеуді, ғылыми зерттеу жүргізу қабілеттерін дамытуды және ғылыми жобаларды жүзеге асыруды, білім беру бағдарламасының бағыты бойынша заманауи зерттеу әдістері мен технологияларын игеруді, ғылыми-педагогикалық қызмет дағдыларын дамыту мен қалыптастыруды қамтамасыз етеді. Оқытудың нәтижесі отандық және шетелдік кеңесшілердің жетекшілігімен жазылған докторлық диссертация болуы тиіс. Бағдарлама түлектері PhD философия докторы дәрежесін алады және жоғары оқу орындарында сабақ бере алады, ғылыми-зерттеу қызметімен айналыса алады.