Шетел филологиясы кафедрасы Е.А. Бөкетов атындағы Қарағанды университетінің бакалавриатында 6В02303-Шетел филологиясы, магистратурада 7М02305901- Шетел филологиясы тіл және әдебиет салалары бойынша білім беру бағдарламасы арқылы мамандарды дайындауды жүзеге асыратын бітіртуші кафедра.

Мамандарды дайындау әдебиеттану және лингвистика тәрізді екі траекториямен жүзеге асырылады.

Кафедра ағылшын және қытай тілдерінде филолог-студенттерді, редакторларды, копирайтерлерді дайындайды.

Факультетте бірінші және екінші шет тілдері ретінде еуропалық және шығыс тілдері, оның ішінде неміс, француз және қытай тілдері оқытылады. Екінші шет тілін оқу міндетті және ол 2 курстың 1 семестрінен кейін студенттің тілегі және үлгерімінің орта балын ескере отырып анықталады. Оқу мерзімі кезеңінде «Оқытылатын тіл елінің әдебиеті», «Оқытылатын тілдің теориялық негіздері», «Стилистика», «Жария сөз практикумы», «Аударма теориясы мен практикасы», «Іскерлік шетел тілі», «Мәтін интерпретациясы», «Мәтінді талдаудың филологиялық негіздері», «Көркем мәтінді өңдеу», «Мәдени лингвистика», «Когнитивтік лингвистика және психолингвистика» сияқты пәндер оқытылады.

Шет тілдер факультетінің басқа білім беру бағдарламаларында кафедра «Оқытылатын тіл елінің әдебиеті», «Оқытылатын тілдің теориялық негіздері», «Стилистика», «Мәтінді интерпретациялау», «Қытай тілі» пәндерін оқытады.

Кафедра оқытушылары тек біздің елде ғана емес, сонымен қатар шетелде де белгілі тәжірибелі мамандар ретінде танылған. Олардың көбісі шетел университеттерінде тағлымдамадан өткен. Кафедра құрамында «Жоғары оқу орнының үздік оқытушысы» атағына ие болған ф.ғ.д., профессор Г.И. Исина, ф.ғ.к., қауымдастырылған профессор Ф.А. Какжанова бар.

Кафедра кәсіби сөйлеу саласында тілді когнитивтік және функционалдық-прагматикалық зерттеумен айналысады, сонымен қатар ҚР Білім және ғылым министрлігінің гранттық қаржыландыруы шеңберінде «Ұлттық бірегейліктің шет тіл білімі контексті аясында лингвокогнитивтік және дискурсивтік негіздері» ғылыми жобасын жүзеге асырады, жобаның ғылыми жетекшісі ф.ғ.д., профессор Г.И. Исина.

Кафедра түлектері білім беру және гуманитарлық мекемелерде, дипломатиялық жұмыс орындарында және коммерциялық фирмаларда, аудармашылық қызмет көрсету саласында, масс-медиа, жарнама, редакторлық және баспаханалық қызметтерде жұмыс жасайды.