Даталар мен фактілер

Тарихы:
Бейорганикалық және техникалық химия кафедрасы (бастапқы атауы - органикалық емес химия кафедрасы) химия факультетінің алғашқы кафедраларының бірі болып табылады және 1972 жылы ұйымдастырылған. Кафедраның алғашқы меңгерушісі кафедраның қалыптасуына лайықты үлес қосқан белгілі химик, химия ғылымдарының кандидаты, доцент Қожақова Ақбет Аманбайқызы болды. Әр жылдары кафедраны химия ғылымдарының докторы, профессор М.К. Алдабергенов, химия ғылымдарының докторы, профессор М.М.Матаев, т.ғ.д., доцент З.М.Шарипова, химия ғылымдарының кандидаты, доцент Г.Т.Кокибасова сияқты белгілі химик ғалымдар басқарып, оның дамуына үлкен үлес қосты.

Оқытушылар:
Бүгінгі таңда кафедрада жоғры дәрежелі, белгілі химиктер, оқытушылар, шетелдік университеттерде және ғылыми орталықтарда білім алған жас ғалымдар жұмыс істейді. «Жоғары оқу орнының үздік оқытушысы» атағының иегерлері: профессор Қ.Т.Рүстембеков, профессор Н.Мерхатұлы, доцент Г.Т.Кокибасова, доцент А.Т.Дюсекеева; Қазақстан ұлттық жаратылыстану ғылымдары академиясының академигі профессор Қ.Т.Рүстембеков, Қазақстан Республикасы Ұлттық ғылым академиясының корреспондент-мүшесі, профессор Х.Б.Омаров; мемлекеттік марапаттар мен сыйлықтардың иегерлері: профессор Н.Мерхатұлы және профессор Х.Б.Омаров («Қазақстан Республикасының ғылымын дамытуға сіңірген еңбегі үшін» төсбелгісінің иегерлері), профессор Қ.Т.Рүстембеков («Қазақстан Республикасының білім беру ісінің құрметті қызметкері» төсбелгісінің иегері), доцент В.Н.Фомин (Ш.Ш.Уәлиханов атындағы сыйлық иегері), жас ұстаз А.Н.Искандеров («Дарын» жастар сыйлығы номинациясының иегері) және т.б.

Кафедраның білім беру бағдарламалары:
6В01507-Химия;
6В01508-Химия-Биология;
6В05306-Химия и физика;
7М01501301-Химия;
Бейорганикалық заттардың химиялық технологиясы

Көшбасшылық және аккредиттеу:
Кафедраның барлық білім беру бағдарламалары NAOKO агенттігімен аккредиттелген. Олар жыл сайын қатысады және 2009 жылдан бастап әрдайым БСҚТА, АРТА және «Атамекен» білім беру бағдарламаларының рейтингінде жүлделі орындарға ие болуда. 2020 жылы NAOKA агенттігінің бакалавриат және магистратура рейтингісінде кафедраның барлық білім беру бағдарламалары 1-орынға ие болды.

Кафедра жобалары:
Кафедра оқытушылары Қазақстан Республикасы Білім және ғылым министрлігінің гранттық қаржыландыру шеңберінде 5 жоба бойынша зерттеулер жүргізеді және басым бағыттары: жаратылыстану ғылымдары саласындағы зерттеулер; геология, минералды және көмірсутекті шикізаттарды, жаңа материалдарды, технологияларды, қауіпсіз өнімдер мен құрылымдарды өндіру және өңдеу; білім және ғылым саласындағы зерттеулер. Кафедраның студенттері мен магистранттары гранттық жобаларды іске асыруға белсенді қатысады.

Серіктестер:
Кафедра алыс және жақын шетелдердің университеттерімен және ғылыми-зерттеу мекемелерімен, атап айтқанда Чарльз университетімен (Чехия), Монтана университетімен (АҚШ), Ланкастер университетімен (Англия), Ньюкасл университетімен (Англия), «Неофит Рилски» Оңтүстік-Батыс университетімен (Болгария) тығыз байланыста. «MEPhI» Ұлттық зерттеу ядролық университеті (Ресей), Томск мемлекеттік университеті (Ресей), Гродно мемлекеттік университеті (Беларусь мемлекеті), РҒА Н.Д.Зелинский атындағы органикалық синтез институты (Ресей), Соя Органоэлемент институты.