Даталар мен фактілер

Тарихы:
Бейнелеу өнері және дизайн кафедрасының тарихы алғаш рет Қарағанды облысының мектептері үшін «Сурет және сызу» мамандығы бойынша мұғалім кадрларын Қарағанды педагогикалық институтында (ректор С.Б. Баймурзин) физика-математика факультетінің көркем-графикалық бөлімінің базасында оқытудан бастау алады (декан, ф-м. ғ. к. К.М. Арынғазин).
1984 жылы ҚарПИ-де «Бейнелеу өнері, сызу және еңбек» мамандығына студенттерді қабылдау жүзеге асырылды (ректор С.Қ. Досмағамбетов) және сол жылы (кафедра меңгерушісі доцент, т.ғ.к. В.И. Нартя), физика-математика факультетінде (декан, доц., физ-мат ғ.к. К.З. Әлжанов) «Бейнелеу өнері, сызу және еңбекке оқыту» кафедрасы ұйымдастырылды.
ҚарПИ академик Е.А. Бөкетов атындағы ҚарМУ-мен біріктірілгеннен кейін 1996 жылы «Бейнелеу өнері және дизайн» кафедрасы құрылды (меңгерушісі доц., ҚРСО мүшесі Б.Е. Мустафин). 2005-2006 жылдары кафедра меңгерушісі п.ғ.к. доц. Л.Н.Солодовиченко болды, 2006-2007 жж. – п.ғ.к., профессор М.М. Хасенов, ал 2007-2012 жылдар аралығында кафедраны филос.ғ.к., доц. Ж.Ш. Резин басқарды.

Оқытушылар:
Кафедрада 24 маман жұмыс істейді, олардың ішінде Республикалық «Жоғары оқу орнының үздік оқытушысы» атағының иегерлері, Еуразиялық Дизайнерлер одағының «Құрметті дизайнер» атағының иегерлері; ҚР Көркемөнер академиясының, Қазақстан Дизайнерлер одағының, Қазақстан Суретшілер одағының, Еуразиялық Дизайнерлер одағының, Қазақстан Журналистер одағының корреспондент мүшелері, ғылым кандидаттары мен магистрлері.

Білім беру бағдарламалары:
Кафедра бағдарламалары Қазақстан мен шет елдердің жастары арасында қызығушылық тудырады. Кафедрада Қазақстан, Ресей, Моңғолия, Украина елдерінің өкілдері білім алуда. 2019 жылы «Бейнелеу өнері, көркем еңбек, графика және жобалау» инновациялық бағдарламасы әзірленіп, алғашқы студенттер қабылданды. Кафедра түлектерінің көпшілігі университетті бітіргеннен кейін оңай жұмысқа орналасады. Біздің мәліметтеріміз бойынша бұл көрсеткіш 82%-ды құрайды.

Аккредиттеу және көшбасшылық:
Кафедраның барлық білім беру бағдарламалары білім беру сапасын қамтамасыз ету жөніндегі тәуелсіз қазақстандық агенттікпен аккредиттелген. Олар ұлттық рейтингтерде лайықты орындарға ие: 5В010700/6в01405 – Бейнелеу өнері және сызу - АРТА рейтингінде екінші орында, «5В042100/06в02101 – Дизайн» - бесінші орында, 5B012000 / 6В01407-Кәсіптік оқыту – БСҚТА рейтингінде екінші орынды иеленді.

Серіктестер:
Карлов университеті (Чехия, г. Прага)
Жоғары техникалық университет Порто қ. (Португалия)
Гази университеті, Анкара қ., Түркия
Жалпыресейлік ұйым («Өнертанушылар Ассоциациясы»)
Actual problems of ART-management and entrepreneurship in art/Еуразия академиясы, Братислава қ., Словакия.