Білім беру бағдарламалары

6В04202 «Бизнесті заңдық қамтамасыз ету»: бакалавриат. Білім беру бағдарламасы кәсіпкерлік қызметті құқықтық қамтамасыз ету саласында кәсіби құзыреттерге, қазіргі заманғы еңбек нарығының талаптарына сәйкес келетін қондырғылар мен құндылықтарға ие, құқық саласында IT қолданудың терең дағдылары бар, құқық қолдану және құқық шығару қызметінде дамыған тілдік құзыреттілігі бар мамандарды даярлаумен байланысты. Оқу үдерісі барысында студенттер қолданыстағы заңнаманы, бизнесті құқықтық қамтамасыз ету саласындағы сот практикасын талдауды, заңды тұлғалар мен жеке кәсіпкердің нақты ұйымдық-құқықтық нысандарының құқықтық мәртебесінің ерекшеліктерін, бизнес-ортада туындайтын құқықтық қатынастарды, нақты құқықтық мәселені шешуде құқық нормаларын қолданудың құқықтық салдарын болжауды, субъективті құқықтар мен заңды міндеттерді іске асыруда құқықтық кедергілер мен шектеулерді болжауды, кәсіпкерлік субъектілерінің құқықтары мен мүдделерін қорғау стратегиясын жобалауды және т.б. үйренеді.
Түлектер құқық бакалавры дәрежесін алады және коммерциялық және коммерциялық емес ұйымдардың, оның ішінде консалтингтік агенттіктердің, сақтандыру, аудиторлық және инвестициялық компаниялардың, қаржы ұйымдарының және т.б. заңгері; мемлекеттік құрылымдардағы құқық департаментінің (бөлімінің) заңгері; кәсіпорындағы кадр қызметінің маманы; өкіл (адвокат); нотариус (нотариустың көмекшісі); судья; төреші; медиатор; патенттік жұмыс және авторлық құқықты қорғау жөніндегі кәсіби-маман; сот орындаушысы; жеке кәсіпкер; коммерциялық заңды тұлғаның басшысы және т.б. ретінде жұмыс істей алады.

7М04207802 «Бизнесті заңдық қамтамасыз ету»: магистратура. Білім беру бағдарламасы кәсіпкерлік субъектілерінің қызметін құқықтық қамтамасыз етудің, мәмілелерді, кәсіпкерлер мен олардың бірлестіктерінің өзге де заңдық іс-қимылдарын құқықтық қамтамасыз етудің қазіргі заманғы әдістері мен тәсілдерін меңгерген магистрлерді, оның ішінде цифрлық экономика жағдайында мүліктік құқықтар мен заңды мүдделерді қорғауды, сондай-ақ азаматтық, кәсіпкерлік, қаржы және салық құқығы саласында ғылыми-зерттеу қызметін жүзеге асыруға қабілетті жоғары білікті заңгерлерді, сонымен қатар құқықтану саласындағы педагогикалық қызметті жүзеге асырушыларды кешенді даярлауға бағытталған. Оқу процесінде магистранттар жұмысқа орналасу, іскерлік хат алмасу, шарттар жасасу және орындау, кәсіпкерлік қызмет субъектілерінің құқықтарын қорғау процесінде кәсіби шетелдік терминологияны пайдалануды, коммерцияландыру және инновация мәселелерін іс жүзінде шешуді, инновациялық бизнесті ұйымдастыру және жүргізу саласындағы білім мен құзыреттілікті жетілдіруді және алынған нәтижелерді өндіріске енгізуді, нормативтік-құқықтық актілердің жобаларына заңдық сараптама жүргізуді, оның ішінде кәсіпкерлік қызмет субъектілерінің құқықтарын қорғау ережелерін анықтау, және т.б. нақты салаларда білікті заң қорытындылары мен консультациялар беруге үйренеді.
Түлектер құқық магистрі (бейінді бағыт) және заң ғылымдарының магистрі (ғылыми-педагогикалық бағыт) дәрежесін алады, құқық қорғау органдарында, сот органдарында, әділет органдарында, мемлекеттік органдарда, коммерциялық және коммерциялық емес ұйымдарда жұмыс істей алады; білім беру саласында ғылыми-зерттеу, әдістемелік жұмыспен айналыса алады.

8D04201 «Құқықтану»: докторантура. Бағдарлама ғылыми және педагогикалық академиялық орта үшін жоғары білікті кадрлар даярлауға бағытталған. Оқыту үдерісінде докторант құқықтану саласындағы теориялық және қолданбалы мәселелердің жай-күйіне сыни, тұжырымдамалық талдау жасауды, құқықтық саладағы заңдылықтарды анықтауды, заңнамалық және құқық қолдану тәжірбиесін жетілдіру жөнінде ғылыми негізделген және эмпирикалық тексерілген болжамдар мен ұсыныстар ұсынуды, қолданыстағы заңнаманы және құқық нормаларын іске асыру жөніндегі қызметті доктриналық талдау мен түсіндіруді жүзеге асыруды, сондай-ақ құқықтық актілердің тұжырымдамалары мен жобаларын әзірлеуді үйренеді.
Докторант келесі пәндерді оқиды: «Академиялық хат», «Ғылыми зерттеудің әдістері», «Кратология: билік туралы ғылым», «Қазақстан Республикасында азаматтық құқық доктринасының дамуы», «Қылмыстық саясатты іске асыру мәселелері», «Қазіргі кезеңдегі атқарушы билік органдарының қызметін реформалау мәселелері», «Конституциялық заңнаманы реформалау мәселелері» (ағылшынша).
Түлектер философия докторы (PhD) дәрежесін алып, жоғары оқу орындарында сабақ бере алады, ғылыми-зерттеу институттарында жұмыс істей алады.