Аударма теориясы мен практикасы кафедрасы бітіртуші кафедра болып табылады және бакалавриаттың 6В02301 - Аударма ісі білім беру бағдарламасы бойынша лингвистика және аударма ісі саласындағы мамандарды дайындайды.

Мамандарды даярлау екі траектория бойынша жүзеге асырылады: «Жазбаша және іскерлік қарым-қатынас саласындағы аударма» және «Ауызша және кәсіби коммуникация саласындағы аударма». Оқу бағдарламасында практикалық фонетика, грамматика, ауызекі тіл және жазба сөз практикасы, шет тіліндегі сөйлеуді тыңдау, стилистика, лексикология, морфология, синтаксис сияқты пәндер бар. Студенттер ғылыми, техникалық, құқықтық, экономикалық, коммерциялық құжаттамамен жұмыс жасауды, дипломатиялық мәтіндерді, ақпараттық технологиялар саласындағы мәтіндерді аудару ерекшеліктерін және т.б. үйренеді. Студенттер көркем аударма аясында проза, поэзия, драма және әдеби сын аудармаларын оқиды. Синхронды аудармаға оқыту да қолданылады. Осы мамандықты меңгергісі келетін студенттер оқу, арнайы тестілеу және сұхбаттасу нәтижелері бойынша іріктеледі.

Студенттер екі шет тілін таңдайды: неміс, француз, түрік, қытай. Екінші шет тілін үйрену міндетті болып табылады және 2 курстан басталады.

Бағдарлама аяқталғаннан кейін түлектер аудармашы, редактор болып жұмыс істейді, сыртқы байланыстар бөлімдерін басқарады, білім беру орталықтарында шет тілінен сабақ береді.

Кафедраның ғылыми-зерттеу жұмысы тіларалық және мәдениаралық коммуникацияның өзекті мәселелерін, аударма ісі, аударма теориясы мен практикасын зерттеумен байланысты. Қазіргі уақытта кафедра Қазақстан Республикасы Білім және ғылым министрлігінің «Аралас оқыту бойынша мұғалімдердің біліктілігін арттырудағы көмекшілер: тиімділікті бағалау, әдістеме, құзыреттілікті дамыту векторлары» гранттық жобасын әзірлеуде, жетекшісі – кафедра меңгерушісі – Шелестова Т.Ю.