Даталар мен фактілер

Тарихы:
Философия және мәдениет теориясы кафедрасы университеттің жетекші кафедраларының бірі болып табылады. Ол 1968 жылы Қарағанды педагогикалық институтының философия және саяси экономика кафедрасының негізінде құрылды. Сол кезде кафедраны басқарған философия ғылымдарының кандидаты, профессор Сағинова Мариям Сагиновна кандидаттық диссертация қорғаған Қазақстандағы алғашқы әйел философ.
1972 жылдан бастап 20 жыл бойы кафедраны философия ғылымдарының докторы, профессор Клещева Раиса Ахметовна басқарып, кафедраның ғылыми әлеуетінің қалыптасуына үлкен үлес қосты.
Әр жылдары кафедра меңгерушілері міндетін атқарғандар: философия ғылымдарының докторы, профессор Әбжанов Төлеуғазы Ысқақұлы, философия ғылымдарының докторы, профессор Колумбаев Бисембай Ерғалиұлы, философия ғылымдарының докторы, профессор Әлімбаев Әбілманат Әмірханұлы, философия ғылымдарының кандидаты, доцент Жалилов Құрбан Шамильұлы, философия ғылымдарының кандидаты, доцент Иманбеков Мирлан Иманбекұлы, философия ғылымдарының докторы, профессор Кәріпбаев Байжол Ысқақұлы, фс.ғ.к., доцент Сағатова Әсем Серікқызы, философия ғылымдарының кандидаты, доцент Кусбеков Думан Карибекович. Қазіргі уақытта кафедра меңгерушісі философия ғылымдарының кандидаты, доцент Балшикеев Серік Балтабаевич.

Оқытушылар:
Қазіргі уақытта кафедра меңгерушісі философия ғылымдарының кандидаты, доцент Балшикеев Серік Балтабаевич. Кафедрада штаттағы 20 оқытушы жұмыс істейді. Олардың арасында ғылым докторлары, кандидаттар мен магистрлер, республикалық «Жоғары оқу орнының үздік оқытушысы» атағының иегері (профессор Б.И. Карипбаев) бар.

Білім алушылар:
Бүгінде кафедрада 27 адам білім алуда. Олардың қатарында Ресей, Моңғолия, Өзбекстан елдерінен келген студенттер, сондай-ақ Оңтүстік Қазақстан облысы, Павлодар облысы, Шығыс Қазақстан облысы, Қостанай облысы, Ақмола облысы сияқты Қазақстанның басқа өңірлерінен келген өкілдер бар.

Жұмысқа орналастыру:
Кафедра түлектері еңбек нарығында сұранысқа ие, олардың 90%-ы университетті бітіргеннен кейін бірден жұмысқа орналасады.

Аккредиттеу және көшбасшылық:
Кафедраның барлық бағдарламалары аккредиттелген және сұранысқа ие. Олар соңғы үш жыл ішінде ұлттық рейтингтерде лайықты орындарға ие болды.

Серіктестер:
кафедра келесі ұйымдармен ынтымақтасады: Қарағанды облысының дін істері басқармасы, Қарағанды облысының ішкі саясат басқармасы, «Қарағанды облысының конфессияаралық қатынастар мәселелерін зерттеу және талдау орталығы» КММ, Қарағанды облысының ақпараттық-талдау орталығы, Қарағанды медицина университеті, Ж.К. Букенов атындағы Қарағанды банк колледжі.
Кафедраның шетелдік серіктестері – Огайо университетінің философия кафедрасы және пәнаралық өнер кафедрасы (АҚШ), Карлов университетінің гуситтік теология факультеті (Чехия), Ф.М. Достоевский атындағы Омбы мемлекеттік университетінің философия кафедрасы, Башқұрт мемлекеттік аграрлық университетінің әлеуметтік-экономикалық және гуманитарлық пәндер кафедрасы.