Білім беру бағдарламалары

6В02201 – Философия: бакалавриат. Бағдарлама философиялық білім мен әдіснаманы зерттеумен байланысты. Оқу барысында студент ғылыми-зерттеу, оқу-тәрбие және сараптамалық-консультативтік қызметті үйренеді. Бітіруші бакалавр дәрежесін алады және орта оқу орындарында философия мен әлеуметтік-гуманитарлық пәндерді оқыта алады, мемлекеттік құрылымдарда, қоғамдық ұйымдарда және жеке компанияларда әлеуметтік талдаушы, антрополог және этнолог болып жұмыс істейді, ұлттық қозғалыстар, ұлтаралық қатынастар, халықтың көші-қоны, ұлттық менталитет мәселелері бойынша ұйымдарға кеңес береді; ғылыми-білім беру және әлеуметтік қорлардың маманы бола алады.

6В02202 – Дінтану: бакалавриат. Бағдарлама діни толеранттылық пен конфессияаралық келісімнің қазақстандық үлгісін одан әрі жетілдіру үшін дін туралы білімді зерделеумен байланысты. Оқу барысында студент қазіргі қоғамдағы діни қатынастар саласында кәсіби деңгейге жетеді. Түлек бакалавр дәрежесін алады және кеңес беру және сараптама жөніндегі маман, басқару және дін мәселелері жөніндегі кеңесші, дін және мәдениет мәселелері жөніндегі менеджер-кеңесші, орта оқу орындарында сабақ береді, дипломатиялық қызметтегі мәдениет және дін мәселелері жөніндегі маман, мемлекеттік-құқықтық, дінаралық және конфессияаралық қатынастар мәселелері жөніндегі кеңесші бола алады.

7M02201 – Философия: магистратура. Бағдарлама кәсіби қызметтің және қоғамдық өмірдің түрлі салаларында өзекті философиялық мәселелер және оларды шешу жолдары туралы заманауи білімдер кешенін меңгерген, алған білімдері мен іскерліктерін әлеуметтік қызметте және тұлғалық дамуда қолдана алатын философиялық білім саласында білікті мамандарды даярлауға бағытталған. Магистранттарға «Ғылыми және ғылыми-техникалық қызмет нәтижелерін коммерцияландыру», «Инновациялық қызмет философиясы», «Ғылым тарихы мен философиясы», «Білім беру философиясы», «Мәдениет философиясы» (ағылшын тілінде), «Қазақстандағы әлеуметтік жаңғыртудың философиялық аспектілері», «Гуманитарлық ғылымдар саласындағы ғылыми зерттеулерді ұйымдастыру және жоспарлау», «Қазіргі қазақ философиясы», «Қазақ философиясындағы антропологиялық дискурс», «Адамдағы адам (ағылшын тілінде)», т.б. сияқты өзекті пәндерді оқу ұсынылады. Түлектер «7M02201 Философия» білім беру бағдарламасы бойынша гуманитарлық ғылымдар магистрі дәрежесін алады және жоғары білім беру жүйесінде, ғылыми-зерттеу орталықтарында, мемлекеттік және жергілікті өзін-өзі басқару ұйымдарында, мемлекеттік құрылымдарда, қоғамдық ұйымдар мен жеке компанияларда әлеуметтік талдаушы, әлеуметтік-мәдени жұмыс саласындағы және т.б. менеджер, референт ретінде жұмыс істей алады.

8D02201 – Философия: докторантура. Бағдарлама жоғары білікті, халықаралық бәсекеге қабілетті зерттеушілерді, жалпы және кәсіби мәдениеті жоғары, өзін-өзі дамытуға, білім беру, педагогикалық және ғылыми-зерттеу қызметіне негізделген әлеуметтік бейімделуге қабілетті кәсіби және ғылыми элитаны дайындауға бағытталған. Докторанттарға «Ғылыми зерттеу әдістері», «Академиялық жазу», «Қазақ философиясының өзекті мәселелері», «Қазіргі заманғы классикалық еместен кейінгі философия», «Әлеуметтік қызмет», «Басқару философиясы», «Түркі дүниетанымындағы рухани-адамгершілік құндылықтар мәселелері» сияқты өзекті пәндерді оқу ұсынылады. Түлектер «8D02201-Философия» білім беру бағдарламасы бойынша PhD дәрежесін алады және жоғары оқу орындарында сабақ бере алады, ғылыми-зерттеу қызметімен айналыса алады, білім беруде менеджмент, мемлекеттік басқару ұйымдарында жұмыс істей алады.