Философия және мәдениет теориясы кафедрасы әлеуметтік-гуманитарлық білім саласында «Философия», «Дінтану», «Мәдениеттану» бағыттары бойынша мамандар даярлауды жүзеге асырады. Кафедраның білім беру бағдарламалары бакалавриатта әзірленген. Оқыту бағдарламасына «Қазақстандағы діндер», «Адами фактор және Қазақстанның инновациялық дамуы», «Қазақ жаңғыруының философиялық мәселелері», «Әлеуметтік конфликтология», «Логика», «Адам мәселесі – қызмет, қарым-қатынас, шығармашылық» сияқты өзекті пәндер кіреді.

Кафедра университеттің барлық бағдарламаларында философия курсын оқытады.

Кафедра түлектері философия және әлеуметтік-гуманитарлық пәндерден сабақ бере алады, мемлекеттік құрылымдарда сарапшылар, әлеуметтік талдаушылар, басқарушылық және діни мәселелер бойынша кеңесшілер, дипломатиялық қызметте мәдениет және дін мәселелері бойынша мамандар болып жұмыс істей алады.