ПЕДАГОГИКА ФАКУЛЬТЕТІ

Даталар мен фактілер

Тарихы:
Педагогика факультеті 1996 жылы академик Е.А. Бөкетов атындағы Қарағанды мемлекеттік университеті мен Қарағанды педагогикалық институтының бірігуі кезінде педагогика және бастауыш оқыту әдістемесі және педагогика және психология (мектепке дейінгі) тәрізді екі факультет негізінде құрылды. Педагогика факультетінің деканы болып п.ғ.к., доцент Н.И. Храпченкова тағайындалды.
2008 жылы бірігу нәтижесінде әлеуметтік-педагогикалық факультет құрылды, оның алғашқы деканы педагогика ғылымдарының докторы, профессор Л.А.Шкутина болды. 2009 жылдан бастап факультетті философия ғылымдарының кандидаты, доцент М.М. Иманбеков басқарады.
2015 жылы факультет құрамына бейнелеу өнері және дизайн кафедрасы енді.

Мұғалімдер:
Факультетте 70-тен астам оқытушы жұмыс істейді, оның ішінде 17 оқытушы «Жоо-ның үздік оқытушысы» республикалық атағының иегерлері. Факультеттің білім беру бағдарламаларына деген сұраныс соңғы 5 жыл ішінде студенттер контингентінің жыл сайынғы өсуін көрсетеді.

Білім алушылар:
Бүгінгі таңда педагогика факультетінде барлығы 1567 студент білім алуда, оның 695-і мемлекеттік грант иегерлері, 5-і «Алтын белгі» иегері. Факультетте Қазақстанның түрлі аймақтарының өкілдері және Ресей, Монғолия, Өзбекстан, Тәжікстан, Украина елдерінен келген шетел азаматтары білім алады.

Жұмысқа тұру:
Түлектердің жұмысқа орналасу көрсеткіші 76%-ды құрайды

Диссертациялық кеңестер:
2017 жылы 6D010200 - Бастауыш оқыту педагогикасы мен әдістемесі, 6В010300 - Педагогика және психология педагогикалық бағдарламалары бойынша диссертациялық кеңес ашылды. Диссертациялық кеңестің төрайымы п.ғ.д., университет профессоры Абильдина Салтанат Қуатқызы.
Білім беру бағдарламалары:
2019 жылы бейнелеу өнері және дизайн кафедрасы «Бейнелеу өнері, көркемдік жұмыс, графика және дизайн» инновациялық бағдарламасын жасап, алғаш рет студенттерді қабылдады.

Аккредиттеу және көшбасшылық:
Факультеттің тұрақты жұмысын АРТА, БСҚТА агенттіктерінің ұлттық рейтингіндегі білім беру бағдарламаларының алатын орындары куәландырады. Бакалавриат, магистратура және докторантураның барлық білім беру бағдарламалары аккредиттелді.

Серіктестер:
Факультет ынтымақтастық байланыс орнатуға әрдайым дайын. Германия, Чехия, Словакия, Ресейден келген педагогика, психология, әлеуметтік жұмыс саласындағы жетекші шетелдік ғалымдардың қонақ дәрістерінің тәжірибесі кең қолданыс тапқан. Қонақ дәрістерінің тақырыбы ғылым мен практиканың өзекті бағыттарымен байланысты. Факультет халықаралық ынтымақтастық туралы шарттарды сәтті жүзеге асырып келеді: Interkulturelle Weiterbildungsgesellschaft e.V. (Германия, Дюссельдорф қ.), Карлов университеті (Чехия, Прага қ.), әулие Кирилл және Мефодий Университеті (Словакия, Трнава қ.), Central European Education Institute (Славакия, Братислава қ.), К.Г. Разумовский атындағы Мәскеу мемлекеттік технологиялар және басқару университеті (Ресей, Мәскеу қ.), Вятка мемлекеттік гуманитарлық университеті (Ресей, Киров қ.) және т.б.
Оқытушылар мен оқушылардың ғылыми тағылымдамалары халықаралық ынтымақтастықтың маңызды нысаны болып табылады. Олардың географиясы кең және алуан түрлі: Istituto di Psicologia Analitica Esistenziale di Ascoli Piceno (Италия), Charles university in Prague (Чехия), И. Кант атындағы Балтық Федералдық университеті (Ресей), Адам Мицкевич атындағы Университет (Польша), Отто фон Геринс атындағы Университет (Германия), Александр Иоан Куза университеті (Румыния) және т.б. Халықаралық ғылыми ынтымақтастықтың құрамдас бөлігі ретінде факультет ғалымдарының ғылыми зерттеулерінің нәтижелерін шетелдік жоғары рейтингті ғылыми журналдарда және шетелдік ғалымдардың ғылыми еңбектерінің университет пен факультеттің ғылыми басылымдарында жариялау болып табылады. Өз кезегінде, Словакия, Ресей, Франция, Украина, Румыния, Венгрия, Польша, Германия, Өзбекстан, Моңғолия, Қытай және т.б. мемлекет ғалымдарының еңбектері жарық көретін «Қарағанды мемлекеттік университетінің хабаршысы. Педагогика сериясы» және «Заманауи білім» ғылыми журналы ғылыми идеялармен алмасу үшін маңызды алаң болып табылады.

Түлектер:
Факультеттің көптеген түлектері білім беру саласында мансаптық жетістіктерге жетті:
- Аданов Куанышбек Буланович – Е.А. Бөкетов атындағы Қарағанды университетінің дене шынықтыру және спорт факультетінің деканы. Марапаттары: 2017 жылы Қазақстан Республикасы Білім және ғылым министрінің Құрмет грамотасымен марапатталды; «қаланың әлеуметтік-экономикалық дамуына қосқан жеке үлесі, белсенді еңбек және қоғамдық қызметі үшін» Қарағанды қаласы әкімінің Құрмет грамотасы; 2017 жылы Е.А. Бөкетов атындағы Қарағанды мемлекеттік университетінің С. Сапиев атындағы сыйлығының лауреаты; Ы.Алтынсарин атындағы республикалық байқаудың 2018 жылғы жеңімпазы; 2018 жылғы «Жлл-ның үздік оқытушысы» атағы; Қазақстан Республикасы Мәдениет және спорт министрлігі Спорт және дене шынықтыру істері комитетінің төрағасы С.Сапиевтің 2019 жылғы «Қазақстан Республикасының Спорт күні кәсиби мерекесіне орай еліміздегі дене шынықтыру және спортты дамытуға қосқан еңбегі мен адал да мінсіз қызметі үшін» Алғыс хаты.
- Есимова Наталья Евгеньевна – «Алпамыс» балабақшасының директоры. Марапаттары: Қазақстан Республикасы Білім және ғылым министрлігінің Құрмет грамотасы, 2017 жыл; Қарағанды қалалық мәслихатының «балабақшаның үздік директоры» дипломы, 2019 жыл; Білім және ғылым қызметкерлерінің Қазақстандық салалық кәсіптік одағының Құрмет грамотасы, 2020 жыл; «Ұлы дала мұрагерлері» форумына белсенді қатысқаны үшін Қарағанды қаласының білім бөлімінің Алғыс хаты, 2020 жыл.
- Кошкумбаев Канат Тукенович – Е.А. Бөкетов атындағы Қарағанды университеті деканының оқу ісі жөніндегі орынбасары. Марапаттары: «Оренбург – столица российского дизайна 2011» бүкілресейлік фестивалінің «Образ страны» номинациясы «Проспект-Идея» категориясы бойынша фотокөрме лауреаты; Қарағанды қаласының 80 жылдығына арналған көрме, «Декоративная пластика» номинациясы бойынша диплом. «Бақытты суретші» арт-платформасы; Жоғары дәрежелі диплом - «Қазақстан халқы Ассамблеясының 20 жылдығына арналған Еуразиялық дизайнерлер одағының II Халықаралық көрмесі», Еуразиялық дизайнерлер одағы - Астана-2015; Жоғары дәрежелі диплом - «Дизайндағы сәтті шығармашылық табысы үшін», Еуразиялық дизайнерлер одағы - Астана-2018; Диплом - «Дизайндағы шығармашылық табыстары үшін», Қазақстан Республикасының Ұлттық музейі, Еуразиялық дизайнерлер одағы - Астана-2020.
- Пестова Ирина Васильевна – Свердлов облысының «Ладо» психологиялық-педагогикалық, медициналық және әлеуметтік көмек орталығы» мемлекеттік бюджеттік мекемесінің директоры. Свердлов облысы, Полевской қаласындағы Ресей білім беру психологтары Федерациясының аймақтық филиалының төрағасы. Марапаттары: Свердлов облысының жалпы және кәсіптік білім министрлігінің құрмет грамотасы; Ресей Федерациясының Білім және ғылым министрлігінің Құрмет грамотасы; Свердлов облысының жалпы және кәсіптік білім министрлігінің және Ресей Федерациясының халықтық білім беру және ғылым қызметкерлері кәсіподағының Свердлов облыстық Комитеті Президиумының Құрмет грамотасы; «Ты нужен России» Мемлекеттік рәміздері бар атаулы қол сағаттары; Свердлов облысы бойынша бала құқықтары жөніндегі уәкіл И.Р.Мороковтың Алғыс хаты; Свердлов облысы адам құқықтары жөніндегі уәкіл Т.Г. Мерзлякованың Алғыс хаты; Свердлов облысы губернаторы Е.В. Куйвашевтің Алғыс хаты.
- Сарбасова Карлыгаш Амангельдиновна – Нұр-Сұлтан қаласындағы С.Сейфуллин атындағы Қазақ агротехникалық университетінің компьютерлік жүйелер және кәсіптік білім беру факультетінің деканы. Марапаттары: ҚР БҒМ құрмет грамоталары (2016 ж., 2017 ж.), Қарағанды облысы әкімінің құрмет грамотасы, Е.А. Бөкетов атындағы ҚарМУ ректорының және ҚазАТУ ректорының құрмет грамоталары. Ресей Жаратылыстану Академиясының өнертабысты дамытуға қосқан үлесі үшін А. Нобель атындағы төсбелгісі, Мәскеу қаласы.

Түлектер қауымдастығы
Педагогика факультеті түлектерінің қауымдастығы 2008 жылы құрылды. Қауымдастық миссиясы – барлық түлектер буынының корпоративтік рухын нығайту, ынтымақтастығын күшейту, олардың әлеуметтік дамуына және өзін-өзі жүзеге асыруына ықпал ету.