Ансамбль тарихынан: «Сарын» ансамблі 2000 жылы Мәжитов Марат Қапенұлы жетекшілігімен құрылды.

Бейіні: «Сарын» фольклорлық ансамблінің қызметі студенттерге күй жанрындағы дәстүрлі қазақ музыкасының байлығымен танысуға мүмкіндік береді. Ансамбль аспаптары ішекті (домбыра, шертер, қобыз, қылқобыз), үрмелі (сыбызғы, саз сырнай, өскірік, керней), ұрмалы (дауылпаз, асатаяқ, үш бұрыш), шертпелі (шаң қобыз) аспаптардан тұрады. Ансамбль репертуарында Құрманғазы, Тәттімбет, Дәулеткерей, Қазанғап, Дина Нұрпейісова, Нұрғиса Тілендиев және т.б. Қазақстанның халық және кәсіби композиторларының күйлері бар. Университетте жүйелі түрде қазақ күйлерін үздік орындауға арналған күй тартыс сайысы өткізіледі.

Жетекшілері: Беспаева Күлзира Қабдуқызы, Сағитов Ғалымбек Әуезханұлы.

Жетістіктері: в 2011 жылы «Сарын» ансамбліне «Халық» атағы берілді. «Сарын» халық фольклорлық ансамблі – аймақтық, республикалық және халықаралық байқаулар мен фестивальдердің лауреаты.