Ансамбль тарихынан: 1977 жылы қазақ ұлттық биінің өзіндік өнерін дәріптеу, студент жастарды отандық және әлемдік көркем мәдениет жетістіктеріне баулу мақсатында құрылған. Ансамбль ұйымдастырушысы және бірінші жетекшісі Мұқатова Қорлан Асылбекқызы болды. Университет түлегі Мәкенова Әмина Балтабекқызы ұзақ жылдар бойы ансамбль жетекшісі әрі репетиторы болды.

Бейіні: «Жарқын» халық би ансамблі – университетіміздің шығармашылық бетке ұстары. Ұжымның репертуарын қазақ билері, Шығыс және Азия халықтарының билері, заманауи хореографиялық композициялар құрайды. Ол жалпыуниверситеттік, қалалық, облыстық, республикалық концерттік және конкурстық бағдарламалардың тұрақты қатысушысы болып табылады.

Жетекшілері: Тойболдина Айман Нұрланқызы, Оразбекова Айжан Әлімбекқызы.

Жетістіктері: 1997 жылы «Жарқын» ансамблі «Халық ансамблі» атағына ие болды. Ол республикалық және халықаралық байқаулардың, Қазақстан, Ресей, Түркіменстан, Өзбекстан, Тәжікстан, Түркия халық шығармашылығы фестивальдерінің лауреаты, «Шабыт» халықаралық шығармашыл жастар фестивалінің I-ші сыйлығының иегері, Ш.Жиенқұлова атындағы II Республикалық қазақ би байқауының лауреаты, Қазақстанның Ұлттық жастар Дельфийлік ойындарының алтын медаль иегері, Түркиядағы Жерорта теңізі елдері студенттерінің VI Халықаралық фестивалінің, «Орталық Азия аруы» халықаралық этно-фестивальдерінің, студент жастардың халықаралық фестивальдерінің (Ресей), өңірлік және Республикалық студенттер фестивальдерінің, Азия елдерінің Халықаралық би олимпиадасының лауреаты, Қазақстан Республикасының шет елдердегі мәдениет күндері бағдарламаларының қатысушысы.