ЗАҢ ФАКУЛЬТЕТІ

Даталар мен фактілер

Тарихы:
Заң факультеті 1972 жылы құрылған. 1977 жылы үш кафедра ашылды. Олар: мемлекет және құқық теориясы мен тарихы, азаматтық құқық және процесс, қылмыстық құқық және процесс кафедралары. Факультеттің алғашқы деканы Қарағанды университетінде заң білімінің негізін қалаған з.ғ.к., доцент З.Я.Безганс болды.
Кейінгі жылдары факультетті басқарғандар: з.ғ.к., доцент М.Т.Имашев (1975-1980), з.ғ.к., доцент В.Д. Шопин (1980-1984), з.ғ.к., доцент К.К. Кусниденов (1984-1986), з.ғ.к., доцент В.И. Куликов (1986-1989), з.ғ.д., профессор Б.Ж. Жүнісов (1990-1994), з.ғ.к., доцент М.К. Умуркулов (1994-1999), з.ғ.д., профессор Е.К. Кубеев (1999-2000), з.ғ.д., профессор Г.З. Қожахметов (2001-2019), з.ғ.к., доцент А.С. Киздарбеков (2019-2020). Заң факультетінің басшылары мен ұжымының кәсіпқойлығының арқасында құқықтанудың қарағандылық ғылыми мектебі құрылды, ел экономикасының түрлі салалары үшін сауатты заңгерлер даярланды. Бүгінгі таңда факультет түлектері Қазақстандағы танымал компанияларда жұмыс істейді, заң тәжірибесін дамытады, отандық және шетелдік жоғары оқу орындарында оқытушылық және ғылыми-зерттеу қызметімен айналысады.

Оқытушылар:
Факультетте 72 оқытушы жұмыс істейді, оның ішінде ғылым докторлары, кандидаттар, магистрлер, 15 республикалық «Жоғары оқу орнының үздік оқытушысы» атағының иегерлері бар.

Білім алушылар:
Бүгінгі таңда факультетте 1408 студент білім алуда, оның ішінде мемлекеттік білім грантының иегерлері, «Алтын белгі» иегерлері, Қазақстанның басқа өңірлерінің өкілдері, Ресей, Өзбекстан, Тәжікстан азаматтары бар. Факультет студенттерінің санында жыл сайын өсім байқалады.

Жұмысқа орналастыру:
Түлектердің жұмысқа орналасу деңгейі 77%-ды құрайды.

Диссертациялық кеңес:
НаФакультетте 6D030100 - «Құқықтану» бағдарламасы бойынша докторлық диссертацияларды қорғау бойынша диссертациялық кеңес жұмыс істейді.

Білім беру бағдарламалары:
6В04201 - « Құқықтану», бакалавриат
6В04202 -  «Бизнесті заңдық қамтамасыз ету», бакалавриат
6В04203 - «Халықаралық құқық», бакалавриат
6В04204  - «Соттық және прокурорлық қызмет», бакалавриат
7М04207801 - «Мемлекеттік органдар мен әкімшіліктің қызметін құқықтық қамтамасыз ету», магистратура
7М04207802 - «Бизнесті заңдық қамтамасыз ету», магистратура
7М04207803 - «Соттық - прокурорлық қызмет», магистратура
8D04207801 - «Құқықтану», докторантура.

Қос дипломдық бағдарлама:
7М04207804 - «Қылмыстық кірістерді жылыстатуға және терроризмді қаржыландыруға қарсы іс-қимыл және экономикалық қауіпсіздік», магистратура. Бағдарлама инновациялық және қос дипломды болып табылады: «МИФИ» Ұлттық ядролық зерттеу университетімен (Ресей) бірлесіп іске асырылады. Оқу мерзімі 2 жыл, ғылыми-педагогикалық бағыт ұсынылады. Бағдарлама заңсыз кірістер мен терроризмді қаржыландыруға қарсы іс-қимыл саласы үшін басқарушы және ғылыми-педагогикалық кадрларды даярлауға бағытталған.

Аккредиттеу және көшбасшылық:
Бакалавриат, магистратура және докторантураның барлық білім беру бағдарламалары БСҚТА ұлттық аккредиттеуден өткен және ұлттық рейтингтерде лайықты орындарға ие: 6М030100 – «Құқықтану» бағдарламасы 2019 жылы және 2020 жылы БСҚТА рейтингісінде 1-орын алды; 8D04207801-«Құқықтану» бағдарламасы АРТА рейтингінде 2019 жылы 3-орын және 2020 жылы 2-орын алды; «Атамекен» рейтингінде 6B04203 - «Халықаралық құқық» бағдарламасы 2019 жылы 3-орын алды.

Академиялық ұтқырлық және тағылымдама:
Факультет ынтымақтастықты жолға қойған. Чехия, Польша, Ресей, Қырғызстаннан келген жетекші шетелдік заңгер ғалымдардың қонақ дәрістерінің тәжірибесі кең таралды:
- Вроцлав әкімшілік, экономика және құқық университеті (Польша): профессорлар Кристиан Цомплак, Артур Лавничак; қонақ дәрістерінің тақырыбы: «Konstytucyjne i prawne mechanizmy ochrony dzieci w Kazachstanie i Polsce», «Migration in Europe: the model of legal reguiation», «Actual problems of complance with international electoral standards in national legislation».
- Ресей ІІМ бүкілресейлік ғылыми-зерттеу институты: профессор В.И.Гладких, дәріс тақырыбы: «РФ және ҚР-дағы экономикалық қылмысқа қарсы іс-қимыл саласындағы қылмыстық саясаттың өзекті мәселелері». - Б.Н. Ельцин атындағы Қырғыз-Ресей славян университеті (Қырғызстан): профессор А.С.Сыдыгалиева, дәріс тақырыбы: «Қаржылық құқық: салыстырмалы талдау».
- ҚР Конституцилық Кеңесі: профессор У.Ш.Шапак, дәріс тақырыбы: «Конституциялық бақылау моделі».
Факультеттің оқытушылары мен студенттері Германия, Чехия, Болгария, Әзірбайжан, АҚШ-тың жетекші халықаралық білім беру орталықтарында, «Өрлеу» АҚ біліктілікті арттыру ұлттық орталығы бағдарламалары бойынша біліктіліктерін арттыруда.

Серіктестер:
Әзірбайжан Республикасы ІІМ полиция академиясы (Әзірбайжан)
Вроцлав әкімшілік, экономика және құқық университеті (Польша)
Мемлекеттік инфрақұрылым және технологиялар университеті (Украина)
Л.Н. Гумилев атындағы Еуразия ұлттық университеті (Қазақстан)
Қырғыз Республикасы Үкіметінің жанындағы Қырғыз мемлекеттік заң академиясы (Қырғызстан)
Б.Н. Ельцин атындағы Қырғыз-Ресей славян университеті (Қырғызстан)
«Неофит-Рильский» Оңтүстік-Батыс университеті (Болгария).

Ғылыми басылымдары:
Ғылыми идеялармен алмасу алаңы Қазақстан Республикасы Білім және ғылым министрлігінің Білім және ғылым саласында сапаны қамтамасыз ету комитеті тізіміне кіретін «Қарағанды университетінің хабаршысы. «Құқық сериясы» ғылыми журналы болып табылады. Онда Словакия, Ресей, Франция, Украина, Румыния, Венгрия, Польша, Германия, Өзбекстан, Моңғолия, Қытай және т.б. елдердің ғалымдарының еңбектері үнемі жарияланып тұрады.

Оқу базасы:
Соттық сараптама және криминалистика зертханасы
Сот мәжілісінің залы
Криминалистикалық полигон
Әділ сот бағытындағы білім беру офисі
Құқықтық ақпарат кабинеті
Медиация кабинеті
Тергеу және криминалистикалық психология кабинеті.

Түлектер:
Е.А. Бөкетов атындағы ҚарУ заң факультетінің беделін оның бүгінде көпшілікке танымал түлектерінен аңғаруға болады. Оларды сенаторлар, мәжілісмендер, Конституциялық Кеңестің мүшелері, Жоғарғы Соттың судьялары, министрлер, вице-министрлер, Қазақстан Республикасы Бас прокуратурасындағы департаменттердің басшылары, облыстық және аудандық соттардың судьялары, адвокаттар, тергеушілер, нотариустар, көрнекті ғалымдар, жергілікті атқарушы органдардың, шаруашылық жүргізуші субъектілердің басшылары, бизнесмендер құрайды:
Ахметжанов Марат Мұратұлы – Қазақстан Республикасы Сыбайлас жемқорлыққа қарсы іс-қимыл агенттігінің төрағасы.
Бижанова Гүлнара Қадыржанқызы – ҚР Парламенті Мәжілісінің депутаты.
Дулатбеков Нұрлан Орынбасарұлы – з.ғ.д., профессор, академик Е.А. Бөкетов атындағы Қарағанды университетінің Басқарма Төрағасы - Ректоры.
Тоғжанов Ералы Лұқпанұлы – саясаттану ғылымдарының докторы, ҚР Премьер-Министрінің орынбасары.
Жүнісов Бақтыбай Жолжақсынұлы - з.ғ.д., профессор, Орталық Қазақстан Академиясының ректоры.
Көбеев Еркін Қинаятұлы - академик Е.А. Бөкетов атындағы ҚарМУ ректоры (2004-2019 жж.), заң ғылымдарының докторы, профессор, Халықаралық жоғары мектеп академиясының академигі.
Кожахметов Арман Төлешұлы - ҚР Парламенті Мәжілісінің депутаты.
Махамбетов Мансұрхан Махамбетұлы - Қазақстан Республикасы Парламентаризм институтының директоры.
Нұркина Айгүл Қабдешқызы - ҚР Парламенті Мәжілісінің депутаты.
Түсіпбеков Рашид Төлеутайұлы - 2-сыныпты мемлекеттік әділет кеңесшісі, заң ғылымдарының кандидаты, Қазақстан Республикасының Бас прокуроры (2000-2009 жж.), Қазақстан Республикасының Әділет министрі (2009-2012 жж.), Қазақстан Республикасы экономикалық қылмысқа және сыбайлас жемқорлыққа қарсы күрес агенттігінің (Қаржы полициясы) төрағасы (2012-2014 жж.), Қазақстан Республикасы Жоғары Сот Кеңесінің Төрағасы (2014-2015 жж.), ҚР Парламенті Сенатының депутаты (2015-2019 жж.).
Шапақ Унзила Шапаққызы - Қазақстан Республикасы Конституциялық Кеңесінің мүшесі, заң ғылымдарының докторы, профессор.